Buti na lang DMX ang pinili namin ni Zarah na paksa. Dahil gustong gusto namin ang laro na ito, ang paggawa ng Pakitang Gilas ay naging tila isang libangan imbis na pabigat. Ang gagawin lang naman namin ay maglaro, at magsalita tungkol sa isang laro na nilalaro na namin ng higit pa sa apat na taon!
At buti na lang sa Powerstation sa loob ng Powerplant, Rockwell, kami naglaro! Ito yung arcade sa loob ng mall na malapit sa hayskul ko dati kaya natagpuan ko rin mga kaibigan ko na nag-aaral pa rin dun ngayon. Minsan ko na lang kasi sila makita kaya noong nagpakita sila tuwang tuwa ako. Kumaway ako kaagad tapos nakayakap at nakausap ko pa yung iba!
At buti na lang kasama namin si Tracey, ang kaibigan namin. Siya yung nag-video sa amin, at sa bandang dulo noong ginagawa namin ang sayaw tawa siya ng tawa dahil may dalawang matandang babae na tumigil at pinanuod kami. Hindi ko alam kung natutuwa o natatawa sila sa ginagawa namin. Siya rin ang naglalaro noong nag-fail ang laro sa video. Noong ginawa namin ang bahagi na yun ng video, naiinis na kami kasi ilang beses na kaming namamatay sa laro, ayaw pa rin makuhanan sa kamera ang "FAILED" na lumalabas sa screen! Pero nagawa din namin, sa wakas. Salamat, Tracey! Tapos pagkatapos, nakapag-picture pa kami sa may Christmas tree sa Rockwell!
 |
| Si Tracey ang nasa pinaka-kanan. |
No comments:
Post a Comment